Dag van de Grunneger toal op 17 meert
ik proat plat! doe ok?
Op 17 meert is t de Dag van de Grunneger toal, veur de 9e moal al weer. Dizze dag wordt holden ien t gebaauw van e Grunneger Archieven ien Stad (Cascadeplein 4, vlak bij t station) en begunt om 11.00 uur. t Is n dag vol Grunneger meziek, verhoalen en gedichten, mor ok met lezengen, lessen en n uutgebreide boeken- en CD maarkt.
Zo’n dag is bedocht om ons toal van alle kanten zien te loaten en alle veurege keren klonk het dan ok as n klok. Juust omdat op zo’n dag t Grunnegs gien minderheidstoal is, mor n meerderheidstoal wordt. En e toal van Westerwolde tot die van t Westerketier is overal te heuren.
Voak vulen wij Westerketierders ons mor amper Grunnegers en de schoamte veur de toal is bij ons voak groter as op t Hogelaand of Oost-Grunnen en dat is vremd; wij kinnen elkneen ien e pervincie verstoan en ze verstoan ons ok aalmoal. Traauwens, op de Dag van de Grunneger toal is altied veul Westerketiers te heuren.
Zo speult tegen drie uur middags Gert Sennema & Westkantstad, de bekendste en beste meziekgroep uut t hiele Westerketier. Noa de CD ‘Dit is’ uut 2015 komt van t joar al weer n nije ploat, en denkelk speult Sennema met zien groep op 17 meert verskes van dizze nije ploat.
Veul roemte is der op 17 meert veur twee aander mannen die van vroeger ok uut Griepskerk kommen: Willem Tjebbe Oostenbrink & Are Meijer. Beide dichters treden twee moal op (om haalf twaalf en haalf één) met n programma wat ze soamen moakt hemmen. Dat programma hiet: ‘Ommelaandse reis ien Westerketierder poëzie’ en die titel is duudlek genogt. Ien t boekje “Moi”, met alles over de Dag van de Grunneger toal, vertellen de twee dichters twee bladzieden laang over heur waark en heur verbondenheid met e streek.
Ien t schrievers- en dichterscafé - prizzenteerd deur Alie de Vries uut Nuus - is Tonko Ufkes één van e veurlezers; hij woont ien Stad mor komt van Zeuvenhuzen. Begun meert verschient zien nijste bundel ‘Ongeliek’, n boek met twinteg verhoalen en dus het er de verhoalen veur t uutzuken.
Vergees!
De hiele Dag van de Grunneger toal is vergees. Zunder ok mor één cent te betoalen kin elkneen dus rondlopen, kieken en luustern. En dat veur optredens van de krekt nuumde Westerketierders tot an optredens van meziekmannen as Jan Henk de Groot, Dion Bouwes en de plat-duutse groep Die Tüdelband. t Gijt die dag van Krzysztof Groen & Henk Puister tot n lezeng van Bert Hadders over t schrieven van Grunneger verskes. En dus aalmoal vergees!
Over de Dag van de Grunneger toal en over t programma op 17 meert is van alles te vienden op e website: www.webloug.nl/dgt-programma. En vanzulf is t ok aalmoal op pepier te lezen ien t boekje “Moi”, n boekje wat bv. ien elke bibliotheek lijt. Ienderdoad, ok vergees.
Foto: Aernout Steegstra, Rudie Wiersma Fotografie Zuidhorn.
Zo’n dag is bedocht om ons toal van alle kanten zien te loaten en alle veurege keren klonk het dan ok as n klok. Juust omdat op zo’n dag t Grunnegs gien minderheidstoal is, mor n meerderheidstoal wordt. En e toal van Westerwolde tot die van t Westerketier is overal te heuren.
Voak vulen wij Westerketierders ons mor amper Grunnegers en de schoamte veur de toal is bij ons voak groter as op t Hogelaand of Oost-Grunnen en dat is vremd; wij kinnen elkneen ien e pervincie verstoan en ze verstoan ons ok aalmoal. Traauwens, op de Dag van de Grunneger toal is altied veul Westerketiers te heuren.
Zo speult tegen drie uur middags Gert Sennema & Westkantstad, de bekendste en beste meziekgroep uut t hiele Westerketier. Noa de CD ‘Dit is’ uut 2015 komt van t joar al weer n nije ploat, en denkelk speult Sennema met zien groep op 17 meert verskes van dizze nije ploat.
Veul roemte is der op 17 meert veur twee aander mannen die van vroeger ok uut Griepskerk kommen: Willem Tjebbe Oostenbrink & Are Meijer. Beide dichters treden twee moal op (om haalf twaalf en haalf één) met n programma wat ze soamen moakt hemmen. Dat programma hiet: ‘Ommelaandse reis ien Westerketierder poëzie’ en die titel is duudlek genogt. Ien t boekje “Moi”, met alles over de Dag van de Grunneger toal, vertellen de twee dichters twee bladzieden laang over heur waark en heur verbondenheid met e streek.
Ien t schrievers- en dichterscafé - prizzenteerd deur Alie de Vries uut Nuus - is Tonko Ufkes één van e veurlezers; hij woont ien Stad mor komt van Zeuvenhuzen. Begun meert verschient zien nijste bundel ‘Ongeliek’, n boek met twinteg verhoalen en dus het er de verhoalen veur t uutzuken.
Vergees!
De hiele Dag van de Grunneger toal is vergees. Zunder ok mor één cent te betoalen kin elkneen dus rondlopen, kieken en luustern. En dat veur optredens van de krekt nuumde Westerketierders tot an optredens van meziekmannen as Jan Henk de Groot, Dion Bouwes en de plat-duutse groep Die Tüdelband. t Gijt die dag van Krzysztof Groen & Henk Puister tot n lezeng van Bert Hadders over t schrieven van Grunneger verskes. En dus aalmoal vergees!
Over de Dag van de Grunneger toal en over t programma op 17 meert is van alles te vienden op e website: www.webloug.nl/dgt-programma. En vanzulf is t ok aalmoal op pepier te lezen ien t boekje “Moi”, n boekje wat bv. ien elke bibliotheek lijt. Ienderdoad, ok vergees.
Foto: Aernout Steegstra, Rudie Wiersma Fotografie Zuidhorn.
