Vot Station Visvliet
ik proat plat! doe ok?
Tussen de dörpen Visvliet en Lutjegast ston host honderd joar laang een eenzoam station: Station Visvliet. t Hoge, rechthoekege witte gebouw had zulfs n eigen typeaanduiding ; Visvliet’, woarvan 6 exemploaren baauwd werden. Station Wolfheze stijt er nog. Visvliet is jammergenog vot. Een kenmerkende puust ien t landschap werd deur NS-boboos, met meer oog veur cinten dan veur schoonheid, uutknepen.
Toen de spoorlien Grunnen-Ljouwert ien 1866 aanleid werd, was er nog gien station Visvliet. Pas ien 1891 kwam er n halteplak en op 1 jannewoarie 1892 werd het nije hoagelwitte station opend. Merkwoardeg genog werd t station niet stief aan t dörp Visvliet baauwd, mor der wel noar nuumd. Me dunkt dat had alles te moaken met politiek. t Spoortracé liep deels over t grondgebied van e gemeente Grootegast en de gemeente Griepskerk en Achtkarspelen hadden elk n station. Het zil je niet verboazen dat burgemeester Berend Hazenberg denkend aan de ‘opstoot in de vaart der volkeren’ bedongen het dat ok zien gemeente een station kreeg. Hij kreeg loater host ok nog geliek,want ien de joaren viefteg het Phillips serieus overwogen om veur de gemeente Grootegast te kiezen ien t plak van Drachten. Kinst noagoan Hema, De Lawei, McDonalds en dat alpmoal ien Grootegast.
Zo kwam het nije station, met n woonhuus veur de stationschef, op t uuterste puntje van de gemeente te stoan, aan de Stationsweg. Doarnoast kwam een wisselwachterswoning en n boerderij/café/wachtruumte/stalling bij te stoan. De wisselwachterswoning woar ien de joaren 60 de familie Keijser woonde is al aan t begun van de 70 joaren òfbroken. Het station werd eind joaren zeuventeg vervangen deur n schoamel bushokje. De halte werd ien juni 1991 opheven. De boerderij stijt nog stief aan t spoor.
Op de webstee www.stationsweb.nl stoan berichten van old bewoners en reizigers, die deurgoans goeie herrinerings hebben aan t station. Bij winterdag stookte de chef smörrensvroeg de kachel lekker op en ien de vroege mörgen werden doar de dorps-nijtjes uutwisseld. Ston de trein al aan t perron, mor kwam er nog een loate reiziger vanuut Lutjegast aan op e fiets, dan wachtte de conducteur eefkes, zodat de sloapkop ok nog met kon. Smiddags kwam t Nijsblad van t Noorden vanuut Grunnen aan en die werd dan uutsudeld noar Visvliet en omgeving. Van Gend en Loos gaf pakketjes met aan de trein.
Ien de joaren 60-70 werd t station flink bezocht. De fietsenstalling van Visser ston altied stampvol. Alle fietsen mooi groepeerd op de aankomsttied van de weeromreis. Smiddags stonden de fietsen dan al buten en konst zo vot rieden. Allinneg niet op vrijdag, dan mos er betoald worden.
Het station kwam meerdere moalen ien t nijs. Op 10 augustus 1928 brak de krukas van e ‘locomotief van den sneltrein uit Leeuwarden’ bij Visvliet. Reizigers mosten overstappen op de trein die van Grunnen kwam. Ok de reizigers uut Grunnen stapten over ien e wagons van de gestrande trein en n extra locomotief brocht t spultje verder noar Leeuwarden. Een vertroaging van slechts anderhalf uur, berichtte de spoorwegen.
Ien e winter van 1979 roakte een trein muurvast ien n snijbult. Een compagnie van t Nederlandse leger het n pens vol waark had om t kolos weer uut te groaven. En ien e joaren tachtig zag t perron ieneens zwaart van t volk. De regisseur van de film ‘Points of View’ brocht 700 reizigers bij n ander op t deurgoans zo lege perron. Schriever Bob de Uijl schreef een verhoal over treinreizen met de titel “Visvliet bestaat namelijk niet” en verscheen op TV.
In 1983 ging t gebouwtje onder t geweld van e bulldozer tegen de vlakte, net as de mooie stations van Griepskerk en Zuudhörn. Doar kwammen nije stations, mor Visvliet mos t doen met een simpel bushokje. Niet veul loater was de halte opheven. Dörpsbelang Visvliet het meerdere pogingen ondernommen om weer n nije halte te kriegen mor ‘dat past niet in het huidige rittenschema’. Dat zil wel niks worden of onze heilige koe moet stinkend duur worden.
Gieneen het de tegenwoordigheid van geest had, om de gevelstien met de tekst ‘Visvliet’ te bewoaren en er een mooi monument van te moaken met t wisselblok as herinnering aan dit unieke station. Het ploatje geft n beeld van Visvliet ien 1965 en is òfkomstig van www.stationsweb.nl , woar veul meer òfbeeldingen stoan van stations uut onze streek.
Ien ‘Leste trein’ bezingen Piet Buist en Geert Zijlstra, de loate weeromreis vanuut Stad. Het vers wordt altied òfsloten met n conducteurstem die zeit: ‘Station Visvliet!’.
Toen de spoorlien Grunnen-Ljouwert ien 1866 aanleid werd, was er nog gien station Visvliet. Pas ien 1891 kwam er n halteplak en op 1 jannewoarie 1892 werd het nije hoagelwitte station opend. Merkwoardeg genog werd t station niet stief aan t dörp Visvliet baauwd, mor der wel noar nuumd. Me dunkt dat had alles te moaken met politiek. t Spoortracé liep deels over t grondgebied van e gemeente Grootegast en de gemeente Griepskerk en Achtkarspelen hadden elk n station. Het zil je niet verboazen dat burgemeester Berend Hazenberg denkend aan de ‘opstoot in de vaart der volkeren’ bedongen het dat ok zien gemeente een station kreeg. Hij kreeg loater host ok nog geliek,want ien de joaren viefteg het Phillips serieus overwogen om veur de gemeente Grootegast te kiezen ien t plak van Drachten. Kinst noagoan Hema, De Lawei, McDonalds en dat alpmoal ien Grootegast.
Zo kwam het nije station, met n woonhuus veur de stationschef, op t uuterste puntje van de gemeente te stoan, aan de Stationsweg. Doarnoast kwam een wisselwachterswoning en n boerderij/café/wachtruumte/stalling bij te stoan. De wisselwachterswoning woar ien de joaren 60 de familie Keijser woonde is al aan t begun van de 70 joaren òfbroken. Het station werd eind joaren zeuventeg vervangen deur n schoamel bushokje. De halte werd ien juni 1991 opheven. De boerderij stijt nog stief aan t spoor.
Op de webstee www.stationsweb.nl stoan berichten van old bewoners en reizigers, die deurgoans goeie herrinerings hebben aan t station. Bij winterdag stookte de chef smörrensvroeg de kachel lekker op en ien de vroege mörgen werden doar de dorps-nijtjes uutwisseld. Ston de trein al aan t perron, mor kwam er nog een loate reiziger vanuut Lutjegast aan op e fiets, dan wachtte de conducteur eefkes, zodat de sloapkop ok nog met kon. Smiddags kwam t Nijsblad van t Noorden vanuut Grunnen aan en die werd dan uutsudeld noar Visvliet en omgeving. Van Gend en Loos gaf pakketjes met aan de trein.
Ien de joaren 60-70 werd t station flink bezocht. De fietsenstalling van Visser ston altied stampvol. Alle fietsen mooi groepeerd op de aankomsttied van de weeromreis. Smiddags stonden de fietsen dan al buten en konst zo vot rieden. Allinneg niet op vrijdag, dan mos er betoald worden.
Het station kwam meerdere moalen ien t nijs. Op 10 augustus 1928 brak de krukas van e ‘locomotief van den sneltrein uit Leeuwarden’ bij Visvliet. Reizigers mosten overstappen op de trein die van Grunnen kwam. Ok de reizigers uut Grunnen stapten over ien e wagons van de gestrande trein en n extra locomotief brocht t spultje verder noar Leeuwarden. Een vertroaging van slechts anderhalf uur, berichtte de spoorwegen.
Ien e winter van 1979 roakte een trein muurvast ien n snijbult. Een compagnie van t Nederlandse leger het n pens vol waark had om t kolos weer uut te groaven. En ien e joaren tachtig zag t perron ieneens zwaart van t volk. De regisseur van de film ‘Points of View’ brocht 700 reizigers bij n ander op t deurgoans zo lege perron. Schriever Bob de Uijl schreef een verhoal over treinreizen met de titel “Visvliet bestaat namelijk niet” en verscheen op TV.
In 1983 ging t gebouwtje onder t geweld van e bulldozer tegen de vlakte, net as de mooie stations van Griepskerk en Zuudhörn. Doar kwammen nije stations, mor Visvliet mos t doen met een simpel bushokje. Niet veul loater was de halte opheven. Dörpsbelang Visvliet het meerdere pogingen ondernommen om weer n nije halte te kriegen mor ‘dat past niet in het huidige rittenschema’. Dat zil wel niks worden of onze heilige koe moet stinkend duur worden.
Gieneen het de tegenwoordigheid van geest had, om de gevelstien met de tekst ‘Visvliet’ te bewoaren en er een mooi monument van te moaken met t wisselblok as herinnering aan dit unieke station. Het ploatje geft n beeld van Visvliet ien 1965 en is òfkomstig van www.stationsweb.nl , woar veul meer òfbeeldingen stoan van stations uut onze streek.
Ien ‘Leste trein’ bezingen Piet Buist en Geert Zijlstra, de loate weeromreis vanuut Stad. Het vers wordt altied òfsloten met n conducteurstem die zeit: ‘Station Visvliet!’.