Meert Moand

0
663

is al n mooie traditie worden; ien e moand meert stijt het Grunneger dialect ien de ‘spotlights’. Op verscheidende plakken ien Grunnen wordt extra aandacht aan de streektoal besteed. Dat komt allemoal bijmekoar op 16 meert as ien t ‘Huus van de Grunneger Toal’ de Dag van de Grunneger Toal holden wordt.

Dizze dag, dit joar veur de tiende moal, wordt de dag organiseerd deur het nije Centrum Groninger Taal & Cultuur een soamenwaarking van diverse organisoaties die zich met t Grunnens bezig holden. Dizze keer is er specioale aandacht veur het Nedersaksisch en diverse digitaliseringsprojecten, kortom de nije kansen veur de streektoal. De Groninger vrouwen stoan dit keer ok centroal, want op 8 meert was het Internationale Vrouwendag en et is 100 joar leden dat het vrouwenkiesrecht ien Nederland ienvoerd werd. Der is n galerij veur de Grunneger Vraauw, ienricht deur t Grunneger Museum.

De vertellers van Kom op Verhoal bennen ien e middag ien de Stilte ruumte aanwezig met verhoalen over Westerkwartierder Wichter, as Griet Koenes, Vraauw Snoakenburg en veul andere dartele doames uut onze streek. Vanof 13:30 start er elk half uur een nije serie verhoalen. Een deurlopende veurstelling met kwoaie, lieve, mooie en lelke wichter.

Ien e hal treden muzikanten op as Wia Buze, Sikkom Cult met Irene Wilkens en de Grup. Der is n enorme boekenmarkt, met veul curiosa en een expositie over 10 joar Dag van de Grunneger Toal. Ien t Oader-cafe treden dichters en schrievers op. Fieke Gosselaar, Nina Werkman, Jan Siebo Uffen en Chris Kiel kommen meerdere moalen op t podium.

Omdat het Nedersaksisch van de overheid een biezundere status kregen het, wordt er veul verteld over de varianten van het Nedersaksisch en kieken we met regelmoat eefkes over de gemeentegrens henne. Kiek mor op de website http://www.cgtc.nl/daggrunnegertoal-programma/ veur t hiele programma. Op verscheiden plakken kin je het tiedschrift ‘Moi’ vienden met meer achtergrond over dizze dag.

Bij Mien Westerkwartier start eind meert een serie ‘Workshops Vertellen’. Acht aspirant vertellers worden ienwijd ien e schone kunst van t vertellen en zillen noar verwachting dizze zummer al met regelmoat op t podium stoan. Dizze groep is ienmiddels ‘vol’, mor ien t noajoar start een nije groep.

Op 29 meert is er ien de Nienoordkapel ien Leek een ‘Proeverij’ van verhoalen en muziek. Verenigings kennen dan kennis moaken met Mien Westerkwartier en Kom op Verhoal en bepoalen of ze es n activiteit ien de streektoal organiseren willen. Noader bericht volgt ien de streekbloaden.

Kom op Verhoal is ok op Wereldverteldag (dat is 20 meert)  actief op diverse basisschoelen ien t Westerkwartier. Het is al n mooie traditie worden om zoveul mogelek groepen te bezoeken. Het thema is dit joar Sagen en Legenden, een mooi breed thema, woar veur vertellers en kiender veul te beleven valt. Host jammer dat je niet meer op schoel zitten.

.

Mor een bezoekje aan de Dag van de Grunneger Toal is veur iedereen zeker de muite weerd, omdat het n mooi overzicht geft van muziek, boeken, dichtwerk en verhoalen. Het viend ploats ien t gebouw van de Grunneger Archieven aan hetCascadeplein 4 ien Stad. De toegang is vergeefs en er bennen ok altied lekkere Grunneger hapkes. Komt gerust eefkes kieken. De dag lopt van 11:00 tot 16:00 uur. id;\lsdunh