Pedaloteam
ik proat plat! doe ok?
Ien de zestiger en begun zeuventiger joaren van de veurege eeuw werden der ien e kroeg van Piet Helmus ien Grootegast hiel wat wilde plannen bedocht en ok uutvoerd. Dat wadden niet de meest eenvoudege plannen en t pakte ok niet altied goed uut. Mor de succesvolste was wel de lange fiets van het ’Pedaloteam’.
Begun 1972 stonden der veul berichten ien e kranten over fietsen die ien het Guinness Book of Records erkend wadden as langste fiets. De mannen hemmen heur es achter de oren kraabd toen ze zagen dat de langste fiets (ien t butenland) al meer dan 10 meter was. Zij zollen ok wel wat moaken kinnen, dat was het probleem niet. Techneuten genog ien e ploeg. Mor t zol natuurlek nog mooier wezen as je wat doen konden wat nog veul meer aandacht trekken zol. Het, het n poar pilskes kost, mor op n goeie oavend kregen ze een pracht idee. Het ging der niet om hoe lang een fiets was, mor wat je der met deden. Zo kwammen ze op t idee om een lange fiets te moaken woar je goed op fietsen konden. Onderweegs zollen ze dan geld veur n goed doel ienzoameln.
Het werd veur Nederland wel de langste en zwoarste fiets. Hij werd tien meter lang en der konden vieftien minsen op zitten. Twaalf man konden trappen. De veurste man had t al drok genog met sturen en remmen en de achterste twee wadden reserveplakken, zodat der ok nog n keer wisseld worden kon. Noa flink wat oefenen kon der met fietst worden. De eerste grote stunt was niet misselek. Met het hiele gevoarte ien twee doagen over de ofsluutdiek via Amsterdam het IJsselmeer ien e ronte. Veurof was der n route uutstippeld deur de A.N.W.B. Onderweegs werd er collecteerd en acties holden veur de Stichting Noorderlicht ien Drachten, veur gehandicapte kiender. De mannen wadden heur tied ver veuruut, gien mins had nog heurd van Serious Request. Meschien bestond dat woord toen nog niet iens. Dizze eerste actie is goed lukt en ien e joaren doarnoa hemmen ze op hiel wat markten en feestweken geld bij mekoar fietst.
Ien e winter werden der plannen moakt veur meer acties. Zo’n fiets kon je vanzulf ok ombouwen tot wotterfiets. Dat is gebeurd en al hiel snel bedochten ze dat ze het Kanoal wel oversteken konden. En dan bedoel ik niet het Hoendiep mor het Kanoal tussen Frankriek en Engeland. Om de fiets geschikt te moaken mosten der drievers en n schoepenrad aan bouwd worden.
Veurdat ze aan de grote tocht begonnen hemmen ze eerst n proeftocht moakt tussen Holwerd en Ameland. As extroa attractie is der nog n parachutist op de wadden land en deur n Hovercraft weer ophoald. Vanwege t slechte weer mosten ze op de terugreis sleept worden.
Juni 1974 wadden t zo ver, de reis kon begunnen. Noa n week fietsen kwammen ze ien Calais aan. Onderweegs hadden ze wel de neudege moeilekheden had. Ze wadden nog mor bij Leek toen de rem al vast zat. Toen ze ien t midden van t land wadden was nog niet dudelek of de boot, die deur Unicef beloofd was, der wel weden zol. En dit was nog mor n klein deel van de tegensloagen. Mor de aankomst moakte veul goed. Meer dan honderd vertegenwoordigers van de pers wadden aanwezeg om heur welkom te hieten. t Was wel slim spieteg dat op advies van de kustwacht, de tocht zelf niet deur goan kon. Het weer was te slecht en dat terwiel het ien Nederland hartstikke mooi weer was. Ok wadden der problemen met de stuurienrichting van de boot van de Friese reddingsbrigade die heur begeleiden zol. De boot die Unicef stuurd had voldeed ok nog es niet aan de eisen. Loater binnen der nog twee pogings onder nommen. De leste is uuteindelek lukt, al bennen ze niet ien Frankrijk of ien Engeland aan e waal west. Ze bennen met n boot vanuut IJmuiden vlak veur de kust van Frankriek ien t wotter zet. De tocht over het Kanoal is goed verlopen. Omdat de volgboot ien t zicht van e hoaven van Dover kepot ging, is de fiets weer op de boot toakeld en bennen ze op huus aan goan. Volgens het Nieuwsblad van het Noorden hemmen ze onderweegs een klein drupke had en bij café Helmus nog n kopke koffie dronken.
Loater bennen der verschillende grote en kleine activiteiten west. Zo kwam de fiets weer op t toneel bij SWET-Grootegast. De fiets stijt tegenwoordig bij Poelman ien Grootegast ien opslag. De drievers hemmen joaren bij de Hoge Til bij Boerakker leit en schienen tegenwoordeg onderdeel van n aanlegsteiger ien e buurt van Lettelbert te wezen. Meschien bennen der nog oavontuurleke minsen die de onderdelen weer bij mekoar zuken en nije stunts bedenken. Wij bennen slim benijd of er nog olle oaventuriers bennen, die ons over de mooie belevenissen vertellen kennen. Stuur n mailtje noar info@mienwesterkwartier.nl en we nemmen contact op.
Begun 1972 stonden der veul berichten ien e kranten over fietsen die ien het Guinness Book of Records erkend wadden as langste fiets. De mannen hemmen heur es achter de oren kraabd toen ze zagen dat de langste fiets (ien t butenland) al meer dan 10 meter was. Zij zollen ok wel wat moaken kinnen, dat was het probleem niet. Techneuten genog ien e ploeg. Mor t zol natuurlek nog mooier wezen as je wat doen konden wat nog veul meer aandacht trekken zol. Het, het n poar pilskes kost, mor op n goeie oavend kregen ze een pracht idee. Het ging der niet om hoe lang een fiets was, mor wat je der met deden. Zo kwammen ze op t idee om een lange fiets te moaken woar je goed op fietsen konden. Onderweegs zollen ze dan geld veur n goed doel ienzoameln.
Het werd veur Nederland wel de langste en zwoarste fiets. Hij werd tien meter lang en der konden vieftien minsen op zitten. Twaalf man konden trappen. De veurste man had t al drok genog met sturen en remmen en de achterste twee wadden reserveplakken, zodat der ok nog n keer wisseld worden kon. Noa flink wat oefenen kon der met fietst worden. De eerste grote stunt was niet misselek. Met het hiele gevoarte ien twee doagen over de ofsluutdiek via Amsterdam het IJsselmeer ien e ronte. Veurof was der n route uutstippeld deur de A.N.W.B. Onderweegs werd er collecteerd en acties holden veur de Stichting Noorderlicht ien Drachten, veur gehandicapte kiender. De mannen wadden heur tied ver veuruut, gien mins had nog heurd van Serious Request. Meschien bestond dat woord toen nog niet iens. Dizze eerste actie is goed lukt en ien e joaren doarnoa hemmen ze op hiel wat markten en feestweken geld bij mekoar fietst.
Ien e winter werden der plannen moakt veur meer acties. Zo’n fiets kon je vanzulf ok ombouwen tot wotterfiets. Dat is gebeurd en al hiel snel bedochten ze dat ze het Kanoal wel oversteken konden. En dan bedoel ik niet het Hoendiep mor het Kanoal tussen Frankriek en Engeland. Om de fiets geschikt te moaken mosten der drievers en n schoepenrad aan bouwd worden.
Veurdat ze aan de grote tocht begonnen hemmen ze eerst n proeftocht moakt tussen Holwerd en Ameland. As extroa attractie is der nog n parachutist op de wadden land en deur n Hovercraft weer ophoald. Vanwege t slechte weer mosten ze op de terugreis sleept worden.
Juni 1974 wadden t zo ver, de reis kon begunnen. Noa n week fietsen kwammen ze ien Calais aan. Onderweegs hadden ze wel de neudege moeilekheden had. Ze wadden nog mor bij Leek toen de rem al vast zat. Toen ze ien t midden van t land wadden was nog niet dudelek of de boot, die deur Unicef beloofd was, der wel weden zol. En dit was nog mor n klein deel van de tegensloagen. Mor de aankomst moakte veul goed. Meer dan honderd vertegenwoordigers van de pers wadden aanwezeg om heur welkom te hieten. t Was wel slim spieteg dat op advies van de kustwacht, de tocht zelf niet deur goan kon. Het weer was te slecht en dat terwiel het ien Nederland hartstikke mooi weer was. Ok wadden der problemen met de stuurienrichting van de boot van de Friese reddingsbrigade die heur begeleiden zol. De boot die Unicef stuurd had voldeed ok nog es niet aan de eisen. Loater binnen der nog twee pogings onder nommen. De leste is uuteindelek lukt, al bennen ze niet ien Frankrijk of ien Engeland aan e waal west. Ze bennen met n boot vanuut IJmuiden vlak veur de kust van Frankriek ien t wotter zet. De tocht over het Kanoal is goed verlopen. Omdat de volgboot ien t zicht van e hoaven van Dover kepot ging, is de fiets weer op de boot toakeld en bennen ze op huus aan goan. Volgens het Nieuwsblad van het Noorden hemmen ze onderweegs een klein drupke had en bij café Helmus nog n kopke koffie dronken.
Loater bennen der verschillende grote en kleine activiteiten west. Zo kwam de fiets weer op t toneel bij SWET-Grootegast. De fiets stijt tegenwoordig bij Poelman ien Grootegast ien opslag. De drievers hemmen joaren bij de Hoge Til bij Boerakker leit en schienen tegenwoordeg onderdeel van n aanlegsteiger ien e buurt van Lettelbert te wezen. Meschien bennen der nog oavontuurleke minsen die de onderdelen weer bij mekoar zuken en nije stunts bedenken. Wij bennen slim benijd of er nog olle oaventuriers bennen, die ons over de mooie belevenissen vertellen kennen. Stuur n mailtje noar info@mienwesterkwartier.nl en we nemmen contact op.