Tonko Ufkes schrieft nij boek
ik proat plat! doe ok?
Op vrijdagmidddag 2 meert 2018 wordt de nije verhoalenbundel `Ongeliek`‚ van Tonko Ufkes prizzenteerd ien t gebaauw van de Groninger Archieven / Huis van de Groninger Cultuur, [Cascadeplein 4, 9726 AD Groningen, vlakbij t station]. Ien t boek stoan 20 nije verhoalen, die niet goan over vroeger toen alles beter was, mor over t nou. Ze bennen voak schreven ien de ik-vorm, goan over zuken en sums vienden van liefde en romantiek, mor ok over Wadlopen, kroanvogels en kanaries.
De schriever:
Tonko Ufkes, geboren ien Zeuvenhuzen, mor al joaren woonachteg ien Stad, is van oorsprong geschiedenisleroar. Hij kwam er in 1989 achter dat, et t Grunnings hiel geschikt was, om op papier uutdrukking aan zien woorden te geven. Ien 1993 verschient zien eerste dichtbundel `Deur de tied` en vervolgens komt er om de 2-3 joar een nij boekje uut. De verhoalenbundel
`n Tuut op beide schelpen` verscheen ien 2015, dus t wer ok weer zo’n beetje tied. Tonko is ok drok met litaire tiedschriften as Toal en Taiken en Krödde en schrift stukjes veur t Dagblad van het Noorden. Ok ien de digitoale wereld is er actief, niet alleen via www.mienwesterkwartier.nl, mor ok met Webloug en t digitoale tiedschrift Oader.
Noazummer is één veurbeeld van Tonko`s gedichten.
Noazummer T
Wij stoan ien t leste oavendlicht
- de lange dag holdt ons nog vast -
t roam open, gien gerdienen dicht.
Zij holdt me beet en helpt mien handen
- veurzichteg zuken, op e tast -
vuul ik het waarme vel noabranden.
Zij helpt mien handen nog n keer
bij t vienden van het zaachte wit
wat krekt tussen het zunbroen zit.
Zij wiet; t is zomor winterweer.
De prizzentoatie:
Tonko is groots op zien nije boek en dat wil der groag met jim delen. De deuren van het Huis van de Groninger Taal is lös vanòf 16.00 uur. t Pergramma begunt klokslag 16.30 uur en tegen 17.30 uur is de put der uut. Dan kin der noaproat worden, is de bundel te koop en stijt n glaske en n hapke kloar.
Tussen de verhoalen van Tonko deur, speulen Piet Buist en Geert Zijlstra verskes van eigen haand en teksten van diverse dichters.
Mor t wordt eerst echt n mooie middag met dij / jim der bij!
As t eefkes kin, veurtied opgeven op: ongeliek@gmail.com
De schriever:
Tonko Ufkes, geboren ien Zeuvenhuzen, mor al joaren woonachteg ien Stad, is van oorsprong geschiedenisleroar. Hij kwam er in 1989 achter dat, et t Grunnings hiel geschikt was, om op papier uutdrukking aan zien woorden te geven. Ien 1993 verschient zien eerste dichtbundel `Deur de tied` en vervolgens komt er om de 2-3 joar een nij boekje uut. De verhoalenbundel
`n Tuut op beide schelpen` verscheen ien 2015, dus t wer ok weer zo’n beetje tied. Tonko is ok drok met litaire tiedschriften as Toal en Taiken en Krödde en schrift stukjes veur t Dagblad van het Noorden. Ok ien de digitoale wereld is er actief, niet alleen via www.mienwesterkwartier.nl, mor ok met Webloug en t digitoale tiedschrift Oader.
Noazummer is één veurbeeld van Tonko`s gedichten.
Noazummer T
Wij stoan ien t leste oavendlicht
- de lange dag holdt ons nog vast -
t roam open, gien gerdienen dicht.
Zij holdt me beet en helpt mien handen
- veurzichteg zuken, op e tast -
vuul ik het waarme vel noabranden.
Zij helpt mien handen nog n keer
bij t vienden van het zaachte wit
wat krekt tussen het zunbroen zit.
Zij wiet; t is zomor winterweer.
De prizzentoatie:
Tonko is groots op zien nije boek en dat wil der groag met jim delen. De deuren van het Huis van de Groninger Taal is lös vanòf 16.00 uur. t Pergramma begunt klokslag 16.30 uur en tegen 17.30 uur is de put der uut. Dan kin der noaproat worden, is de bundel te koop en stijt n glaske en n hapke kloar.
Tussen de verhoalen van Tonko deur, speulen Piet Buist en Geert Zijlstra verskes van eigen haand en teksten van diverse dichters.
Mor t wordt eerst echt n mooie middag met dij / jim der bij!
As t eefkes kin, veurtied opgeven op: ongeliek@gmail.com
