Golden fiets
ik proat plat! doe ok?
Veurege week was t weer zover. n Poar doagen noa de Tour de France kommen de tillevisievedetten van t wielrennen noar Fryslân om rondjes om e geelgekleurde kerk te fietsen. Mooie extra verdiensten veur de renners, mooie publiciteit veur de sponsoren, goed veur de horeca ien t dörp en n mooi publieksevenement.
Me dunkt zo’n 40.000 man was ien körte broek of zummerjurkje noar t Fean kommen en ze hemmen heur best vermoakt, want Tourwinnoar Thomas trok ok op de Kolk aan t langste enne. Champs-Élysées, de Kolk, de Eifeltoren of de Toer van t Fean, met n golden fietske ien top, de wereld is eileks zoooo klein.
Groots dat zo’n lut dörpke as t Fean dat nou al veur de 37e keer regelt. En met succes, want de renners en t pebliek kommen groag. De renners verboazen zich over t veule pubiek, de gemoedelekheid, de vrundelekheid en de vette priezenpot, want woar verdien je nou n Golden Fiets. Hulde aan dat groepke Feanster Bobo’s, dat heur de poten uut t lief lopt, om dat alpmoal veur mekoar te kriegen.
Mor woar komt al dat volk weg? Natuurlek wonen der gewoon minsen ien t dörp of ien e buurt, die eefkes kommen te kieken. Mor as ik zo over t parcours kiek vallen een poar dingen op. Ten eerste veul luu die met fietsen te moaken hemmen of zulf reden hemmen en die veur de sport of veur de ontmoeting met olle bekenden hin goan. Voak bennen ze te herkennen aan sportieve kleding of n blitse bril en ze stoan voak bijnkander ien groepkes.
Dan lopt er n groep die heur specioal opdoft veur de gelegenheid. Extra poeiertje en lippenstift, kokette jurkjes of een tenue-de-file aan. Mor één ding is dudelek, ze bennen er ‘om gezien te worden’. Of de renners nou links of rechtsom rieden, t zil ze n worst weden. Ok BN-ers, BG-ers en BF-ers kommen groag noar de tuun van Joop Atsma ien t Fean. Lekker eefkes op t (dak)terras zitten en kwettern en ‘shinen’.
Biezunder (nee, Juf Ank, niet anders) bennen de dörpsbewoners, die van heinde en ver op t wielerevenement òfkommen. Een hoogtijdag, zoas Roner Markt of n boeldag ze binnen te herkennen aan (kap)klompkes, laang hoar en woeste snor/board, joaren zeuventeg pak/jurk, de solex. Ik zag ok veul Opel Manta’s en Ford Capri’s op t parkeerterrein. Ik denk dan altied aan de paradiesvogels, die ien programma’s as ‘Man bijt hond’ en ‘Showroom’ te zien wadden. Echte plattelandbewoners, die der n specioal dagje van moaken. Middags al eefkes bij de amateurs en op e markt kieken. Tussendeur n patatje met n frikadel specioal en n dikke soft-ijs en soavends tevreden op huus aan. Aankommend joar bennen ze der weer bij.
Dan de wedstried. Leuk om ze 50 keer langs te zien kommen en donders die Thomas kin werkelek hard fietsen. Mor me dunkt der wordt n dik draaiboek bruukt, want dat geld veur de komst van Thomas, Dumoulin en Mollema, moet er ok weer uut. Dus altied n klinkende noam (Jan Raas TI Raleigh- 1982 of Chris Froome – 2016) as winnoar en t liefst ok nog eefkes n regionoale favoriet zoas Weening, Veenstra of Stroetinga actief ien beeld. Verrek, dat zo’n gewone jonge uut e streek die dik betoalde renners het vuur noa aan e schenen leit. Dat brengt t thuuspebliek tot juichen.
Trouwens wel apart dat de grote reuzen Lance Armstrong en Miquel Indurain nog wonnen hemmen. Bennen ze ooit wel es west? Ik heb googled, mor niks vonden!
Ik geniet niet alleen van e wielrenners en de wedstried, mor veural van die paradiesvogels, die op zo’n mooie zummerse dag noar t Fean kommen, om te kieken, zich loaten bekieken en der met mekoar n volksfeestje van moaken.
Nou nog de leste emancipatieslag moaken om t feestje compleet te moaken. De aparte wedstried om de ‘Golden DoamesFiets’ (met de glimmende briljantjes) veur de professionele dameswielrenster. Ik kom dan zeker weer kieken. Ben ok gewoon zo’n aparte vogel!
Me dunkt zo’n 40.000 man was ien körte broek of zummerjurkje noar t Fean kommen en ze hemmen heur best vermoakt, want Tourwinnoar Thomas trok ok op de Kolk aan t langste enne. Champs-Élysées, de Kolk, de Eifeltoren of de Toer van t Fean, met n golden fietske ien top, de wereld is eileks zoooo klein.
Groots dat zo’n lut dörpke as t Fean dat nou al veur de 37e keer regelt. En met succes, want de renners en t pebliek kommen groag. De renners verboazen zich over t veule pubiek, de gemoedelekheid, de vrundelekheid en de vette priezenpot, want woar verdien je nou n Golden Fiets. Hulde aan dat groepke Feanster Bobo’s, dat heur de poten uut t lief lopt, om dat alpmoal veur mekoar te kriegen.
Mor woar komt al dat volk weg? Natuurlek wonen der gewoon minsen ien t dörp of ien e buurt, die eefkes kommen te kieken. Mor as ik zo over t parcours kiek vallen een poar dingen op. Ten eerste veul luu die met fietsen te moaken hemmen of zulf reden hemmen en die veur de sport of veur de ontmoeting met olle bekenden hin goan. Voak bennen ze te herkennen aan sportieve kleding of n blitse bril en ze stoan voak bijnkander ien groepkes.
Dan lopt er n groep die heur specioal opdoft veur de gelegenheid. Extra poeiertje en lippenstift, kokette jurkjes of een tenue-de-file aan. Mor één ding is dudelek, ze bennen er ‘om gezien te worden’. Of de renners nou links of rechtsom rieden, t zil ze n worst weden. Ok BN-ers, BG-ers en BF-ers kommen groag noar de tuun van Joop Atsma ien t Fean. Lekker eefkes op t (dak)terras zitten en kwettern en ‘shinen’.
Biezunder (nee, Juf Ank, niet anders) bennen de dörpsbewoners, die van heinde en ver op t wielerevenement òfkommen. Een hoogtijdag, zoas Roner Markt of n boeldag ze binnen te herkennen aan (kap)klompkes, laang hoar en woeste snor/board, joaren zeuventeg pak/jurk, de solex. Ik zag ok veul Opel Manta’s en Ford Capri’s op t parkeerterrein. Ik denk dan altied aan de paradiesvogels, die ien programma’s as ‘Man bijt hond’ en ‘Showroom’ te zien wadden. Echte plattelandbewoners, die der n specioal dagje van moaken. Middags al eefkes bij de amateurs en op e markt kieken. Tussendeur n patatje met n frikadel specioal en n dikke soft-ijs en soavends tevreden op huus aan. Aankommend joar bennen ze der weer bij.
Dan de wedstried. Leuk om ze 50 keer langs te zien kommen en donders die Thomas kin werkelek hard fietsen. Mor me dunkt der wordt n dik draaiboek bruukt, want dat geld veur de komst van Thomas, Dumoulin en Mollema, moet er ok weer uut. Dus altied n klinkende noam (Jan Raas TI Raleigh- 1982 of Chris Froome – 2016) as winnoar en t liefst ok nog eefkes n regionoale favoriet zoas Weening, Veenstra of Stroetinga actief ien beeld. Verrek, dat zo’n gewone jonge uut e streek die dik betoalde renners het vuur noa aan e schenen leit. Dat brengt t thuuspebliek tot juichen.
Trouwens wel apart dat de grote reuzen Lance Armstrong en Miquel Indurain nog wonnen hemmen. Bennen ze ooit wel es west? Ik heb googled, mor niks vonden!
Ik geniet niet alleen van e wielrenners en de wedstried, mor veural van die paradiesvogels, die op zo’n mooie zummerse dag noar t Fean kommen, om te kieken, zich loaten bekieken en der met mekoar n volksfeestje van moaken.
Nou nog de leste emancipatieslag moaken om t feestje compleet te moaken. De aparte wedstried om de ‘Golden DoamesFiets’ (met de glimmende briljantjes) veur de professionele dameswielrenster. Ik kom dan zeker weer kieken. Ben ok gewoon zo’n aparte vogel!